林投姐(第25屆五虎崗文學獎新詩組推薦獎)
主圖
猶原會使聽著伊在啼哭 我的囝兒 佇這個無緣的林投樹腳 我的淒涼隨樹飄搖，風雨未停 水聲風聲聲聲無奈 聲聲的無奈追我太緊 （我把衣帶緩緩繞過屘囝的頷頸，出力） 心肝囝，不通驚 阿母未擱讓你孤單讓你寒 呵 總是注定的薄命 注定不願相信汝是浪蕩子啊，哪堪怨嘆 人在多講話，七少年八少年的你我 曖昧的身影 （我靜靜偎置汝的胸坎，看惜別的安平港，聽信任的心聲） 總是困在使人未喘氣的溫柔 你當天咒誓，痴迷我固執削瘦的等待 日日夜夜 多情的無情的都是，歲月啊 伊漸漸在流，話漸漸在湠 可憐一個死尪的少年查某，卻去姘著有某的浪蕩子 （我靜靜偎置門後壁，眼淚未煞，滴落腹肚日日大） 總是做憨人的運命 呵呵運命，你可有聽見我餒死寒死的心肝 定定續在思念的尾聲，唱就木的哀歌 呵呵運命，是牽連阮母囝的衣帶， 是未開的死結 （我將衣帶甩過樹椏，搖搖晃晃） 呵呵乖囝，我的乖囝 雖然汝的阿爸無愛咱 不過阿母絕對未擱讓你孤單， 未擱讓你寒
- 分類：學術活動
- 單位：淡江時報
- 文案：劉兆恩
- 攝影：陳頤華
- 大小：2272 px × 1704 px、440.76 KB
- 圖檔下載：
- 原始檔下載：
相關圖片
波蘭初體驗 培養跨文化思維-3 （4288 px × 2848 px、4.3 MB ）
曾文哲發現真愛物理 （4252 px × 2835 px、2.18 MB ）